停 車 熄 匙
曾 特 首 近 來 鍾 意 講 環 保 ， 話 要 潔 淨 香 港 空 氣 ， 讓 香 港 重 見 藍 天 白 雲 。 其 實 講 空 氣 ， 非 自 今 日 始 ， 記 得 李 國 寶 議 員 二 ○ ○ ○ 年 競 選 連 任 時 ， 已 講 及 空 氣 ， 不 過 香 港 人 講 空 氣 ， 其 實 係 空 談 ， 如 果 珠 三 角 工 廠 唔 合 作 ， 香 港 空 氣 永 遠 污 染 ， 夠 膽 就 叫 中 電 港 燈 停 止 發 電 三 日 ， 睇 香 港 空 氣 污 染 有 冇 改 善 ！ 叫 珠 三 角 停 電 三 日 ， 情 況 就 會 好 得 多 。但 呢 「 控 制 實 驗 」 ， 當 然 完 全 冇 法 子 推 行 ， 香 港 停 電 半 小 時 ， 冇 可 能 容 忍 。 曾 特 首 「 忽 然 」 想 到 一 個 方 法 ， 靈 感 當 然 來 自 環 保 團 體 ， 就 係 叫 我 駕 車 人 士 停 車 熄 匙 ， 可 以 減 少 二 氧 化 碳 排 放 量 喎 。 左 丁 山 呢 幾 日 ， 要 車 送 貨 載 人 ， 做 七 日 司 機 ， 先 至 知 道 司 機 車 之 小 小 苦 楚 。 呢 幾 日 天 氣 有 兩 大 特 點 ， （ 一 ） 非 常 熱 ， 稍 為 勞 動 ， 就 滿 頭 大 汗 ， （ 二 ） 間 中 有 大 雨 ， 有 黃 雨 警 告 。 左 丁 山 某 日 車 到 達 目 的 地 ， 停 低 等 人 ， 想 起 要 做 一 個 良 好 公 民 ， 討 好 曾 特 首 ， 於 是 開 窗 之 後 ， 熄 匙 ！ 唔 夠 一 分 鐘 ， 猛 烈 太 陽 之 威 力 無 窮 ， 即 刻 感 覺 到 ； 再 過 三 分 鐘 ， 嘩 ， 熱 死 人 呀 ， 架 車 好 似 焗 爐 ， 皮 椅 令 屁 股 熱 上 加 熱 ， 真 難 頂 。 五 分 鐘 後 ， 大 人 駕 到 ， 一 上 車 就 鬧 ， 「 架 車 咁 熱 ， 你 冇 開 冷 氣 咩 ？ 」 第 二 日 ， 開 車 送 貨 ， 停 低 架 車 ， 收 貨 人 未 到 ， 大 雨 傾 盆 而 下 ， 停 車 熄 匙 ， 唔 開 得 窗 ， 三 分 鐘 後 幾 乎 焗 暈 ， 唯 有 放 棄 做 一 個 好 公 民 念 頭 ， 向 曾 特 首 講 一 聲 對 唔 住 ， 撻 引 擎 開 冷 氣 先 ！ 講 停 車 熄 匙 之 人 ， 正 是 在 室 內 冷 氣 辦 公 室 誇 誇 其 談 ， 出 寫 字 樓 就 有 司 機 開 定 車 門 等 佢 上 車 之 人 ， 例 如 曾 特 首 去 酒 店 出 席 午 間 聚 會 ， 佢 司 機 在 外 面 停 車 熄 匙 ， 特 首 上 車 之 時 係 唔 係 要 即 刻 除 西 裝 ， 煲 呔 ， 幾 乎 連 恤 衫 都 會 剝 埋 呢 ？ 呢 一 類 人 就 係 未 做 過 司 機 ， 未 過 車 ， 永 遠 乘 搭 冷 氣 巴 、 冷 氣 的 、 地 鐵 之 人 ， 佢 唔 會 明 白 香 港 夏 天 在 中 環 、 銅 鑼 灣 或 公 園 外 停 車 熄 匙 之 苦 況 。 不 如 曾 俊 華 權 充 特 首 司 機 一 星 期 之 後 ， 再 向 特 首 報 告 停 車 熄 匙 後 果 ！
左丁山 (蘋果日報)