任 志 剛 應 導 陳 婉 嫻 日期：2007年01月15日
年 近 歲 晚 ， 有 保 安 公 司 冇 糧 出 ， 約 一 千 名 員 工 會 冇 工 做 ， 估 計 欠 薪 及 強 積 金 加 加 埋 埋 約 一 千 萬 元 。 冇 糧 出 ， 怨 邊 個 ？ 梗 係 怨 老 闆 啦 ， 竟 然 有 保 安 員 埋 怨 政 府 ， 埋 怨 曾 特 首 ， 真 係 講 ， 分 不 清 誰 是 誰 非 ， 唔 通 凡 係 做 政 府 判 頭 ， 接 政 府 柯 打 公 司 ， 一 旦 周 轉 不 靈 ， 都 要 政 府 墊 支 薪 水 ？ 基 層 員 工 因 切 身 利 益 ， 感 情 作 祟 ， 講 錯 還 可 當 佢 唔 識 ， 議 員 都 埋 一 份 ， 就 證 明 議 員 係 為 選 票 而 做 事 ， 乜 都 睇 唔 見 ， 水 平 好 有 問 題 。 工 聯 會 議 員 陳 婉 嫻 話 銀 行 無 社 會 道 德 ， 個 老 闆 又 話 銀 行 無 情 ， 簡 直 係 屈 銀 行 代 為 出 糧 。 賓 架 陳 唔 知 邊 間 銀 行 借 錢 畀 保 安 公 司 ， 雖 然 唔 關 佢 事 ， 亦 大 為 不 忿 。 賓 架 陳 話 ： 「 我 打 開 門 口 做 生 意 ， 借 錢 畀 人 ， 自 然 有 一 套 風 險 監 控 制 度 ， 否 則 金 管 局 唔 肯 過 我 。 我 問 銀 行 點 會 無 緣 無 故 停 止 某 些 客 戶 透 支 （ OD ） ， 梗 係 個 客 戶 已 有 拖 賬 紀 錄 ， OD 超 額 ， 逾 期 不 還 等 等 事 情 ， 先 至 會 對 客 戶 說 不 。 你 話 冇 錢 出 糧 ， 叫 銀 行 特 別 通 融 ， 通 融 得 幾 多 次 ？ 銀 行 係 善 堂 ， 還 是 破 產 欠 薪 基 金 ？ 陳 婉 嫻 公 開 話 銀 行 冇 社 會 責 任 ， 施 展 政 治 壓 力 ， 將 大 陸 、 台 灣 作 風 帶 香 港 ， 就 係 官 僚 議 員 指 揮 銀 行 貸 款 ！ 台 灣 議 員 好 惡 ， 銀 行 追 收 壞 賬 ， 有 議 員 受 遊 說 就 出 面 阻 止 ， 聲 大 夾 惡 。 香 港 如 果 變 成 咁 ， 就 做 唔 成 世 界 級 金 融 中 心 咯 ！ 」 銀 行 借 錢 畀 一 公 司 ， 除 一 般 抵 押 品 之 外 ， 通 常 會 有 assignment of contract ， 將 服 務 合 同 列 明 收 入 交 畀 銀 行 ， 銀 行 扣 除 貸 款 之 後 ， 餘 款 可 供 公 司 使 用 （ 例 如 出 糧 、 交 租 ） ， 銀 行 絕 無 義 務 代 公 司 出 糧 。 出 糧 冇 錢 ， 完 全 係 公 司 理 財 不 善 或 生 意 額 少 ， 少 到 低 於 每 月 營 運 費 用 之 故 ， 一 旦 出 現 呢 類 情 況 ， 銀 行 偵 察 到 ， 就 會 密 切 注 視 戶 口 資 金 來 往 ， 隨 時 凍 結 貸 款 。 商 場 打 滾 數 十 年 老 闆 冇 可 能 唔 知 ， 工 會 議 員 就 天 真 無 邪 ， 不 知 世 界 現 實 。 受 屈 之 銀 行 係 邊 間 ， 寫 稿 時 報 紙 尚 未 報 道 。 按 理 金 管 局 任 總 裁 應 出 句 聲 ， 支 持 銀 行 不 受 政 治 干 預 。
左丁山mcwriter@appledaily.com (蘋果日報)