敏 妮 Talk : 買 樓 借 錢 越 少 越 好
敏 妮 爸 爸 媽 咪 住 幢 大 廈 要 搞 維 修 , 前 幾 日 開 業 主 大 會 傾 詳 情 , 根 據 爸 爸 現 場 直 擊 , 大 會 上 , 前 任 業 主 同 現 任 業 主 各 自 組 成 兩 個 派 別 , 對 話 充 滿 火 藥 味 , 大 家 舌 劍 唇 槍 , 但 都 係 傾 雞 毛 蒜 皮 , 大 會 由 夜 晚 8 點 開 到 凌 晨 12 點 , 仲 未 有 共 識 。
開 支 多 多 條 數 襟 計
爸 爸 同 敏 妮 講 : 「 你 話 買 樓 幾 麻 煩 呢 , 租 樓 住 手 淨 腳 。 」 敏 妮 爸 爸 思 想 比 較 前 衞 , 畀 佢 揀 , 佢 會 揀 租 樓 。 不 過 , 敏 妮 媽 咪 就 係 傳 統 中 國 人 思 想 , 認 為 買 層 樓 , 日 後 有 乜 事 起 碼 都 有 瓦 遮 頭 。 供 樓 好 定 租 樓 好 ? 敏 妮 blog 面 經 常 有 讀 者 問 呢 個 問 題 , 答 案 就 好 似 問 結 婚 好 定 同 居 好 一 樣 , 各 有 各 理 由 , 通 常 都 係 從 感 性 一 面 去 諗 。 敏 妮 向 來 實 際 , 所 以 好 buy 財 務 阿 sir 套 , 佢 經 常 計 一 條 數 ─ ─ 買 樓 除 要 計 樓 價 , 仲 要 計 利 息 、 裝 修 、 維 修 、 管 理 。 佢 提 出 一 個 point , 好 值 得 敏 妮 同 大 家 分 享 , 就 係 如 果 真 係 要 買 樓 , 要 等 有 足 夠 錢 先 好 買 , 盡 量 唔 好 借 咁 多 錢 。 原 因 係 銀 行 計 貸 款 利 息 , 都 係 用 息 隨 本 減 , 即 係 話 越 還 得 多 本 金 , 要 畀 利 息 就 越 少 ; 每 次 你 供 款 , 銀 行 都 會 扣 完 利 息 先 扣 本 金 , 而 利 息 又 係 用 複 式 計 算 。
利 息 可 達 樓 價 一 半
去 中 原 地 產 網 站 搵 佢 個 計 數 機 , 樓 價 300 萬 , 借 七 成 , 供 20 年 , 月 供 就 要 13628 蚊 ; 即 係 借 210 萬 , 要 還 327 萬 , 淨 息 都 117 萬 , 係 本 金 一 半 。 咁 仲 唔 止 , 加 埋 首 期 90 萬 、 代 理 佣 金 3 萬 、 律 師 費 3.75 萬 、 釐 印 費 4.5 萬 , 你 以 為 層 樓 係 300 萬 , 實 際 上 畀 428 萬 蚊 , 仲 未 計 本 裝 修 , 同 之 後 維 修 問 題 。
溫敏妮 (蘋果日報 23/08/2007)
所以話呢,供樓有乜謂,等中六合彩一炮過先好買樓啦。