30號去左睇套話劇，個名叫廁客浮士德，睇個名已經好有深度。睇完之後，不得不承認自己是一個膚淺既人了。我睇之前睇了少少場刊，大概知道個主旨講乜，唉，但睇完之後有d 失望囉，可能佢太有深度，我d 膚淺人睇唔明白，我仲搵左幾次周公。隔離個pair未完場就走鬼左，話浪費左佢地d 時間，我又唔係咁諗既，睇唔明佢講乜唯有睇下d演員專業既演出啦，話晒都有詹瑞文係度嘛。不過$120一張飛(已經係最平果隻)就真係唔抵睇了，去睇番3套睇都唔知幾過癮。我之前睇過d 話劇有d 好鬼好睇，就算幾百蚊飛都覺得物有所值啦。今次就賴左野添(雖然唔係我錢)，不過好彩有你一齊陪我贂，一齊睇到烏下烏下，哈哈。(註: 我上次係葵青劇院睇個套"少年唯特的煩惱"就真係睇到我都煩惱，睇到我一頭煙，今次又係係葵青劇院睇，睇來葵青劇院都唔係幾利我喇。仲有睇完仲趺埋個銀包，好彩最有都有驚無險返轉頭搵得番，睇來都唔係為100%唔利我既，真係好彩好彩了。)

有日返到屋企樓下，發覺多左十幾棵樹係度，點綴了呢個咁單調既平台，有d 椰林樹影feel喎。好過乜都無，都算有做下野。

之前一排好興斷背山，我有日搭巴士發現左椅背珊，係咪你寫自己個名上去呀? 咁樣唔得架，破壞公物好大罪架，下次唔好呀。

阿媽, 我都話d 牛肉唔駛炒咁耐架啦, 我炒既芥蘭牛肉係咪好好味呢。仲有呀, 阿媽, 你成日話我唔記得熄燈熄風扇, 我一個人住時點算呀? 阿媽, 你放心啦, 我一個人住時好企理, 好有記性的。你係度時我就零捨鬆懈架喇, 因為我知有你係度, 你會睇得好緊, 我可以放一百個心, 所以咪唔記得囉。

我今日(26號)大出血呀, 今日試下新地方, 係荃灣既捐血站捐血。下次唔知去邊呢? 唔知你幾時會獻出你既第一次呢, 下次希望可以同你一齊捐啦。點都好, 同你講聲多謝先, 多謝你陪我捐血呀, 雖然你冇捐, 但見到你我就會心血來潮, d 血零捨泵得快, 所以話咁快就捐完, 之前有個男仔話佢8分鐘搞掂, 我5分鐘就得喇, 我出年3月前再捐多次又可以有禮物喇。吉野家我食過幾次, 最開心就緊係今次啦, 因為有你同我食嘛。

唉, 我upload 唔到d 相呀, 算啦, 今次就齋文字啦。今日(26號)我好開心呀, 好耐未試過呢隻feel 喇, 不過呢個只是一個開始, 仲有好長既路要行, 仲係會愈行就愈難行, 唔緊要啦, 難行咪行慢d 囉, 總之係咁行呀, 行呀, 行呀, 終點始終會到既, 到最後都做唔到既話咪做唔到囉, 咪當享受下個過程囉。我冇野心架, 不過我唔會放棄自己。

咩叫 design 有心思呢，你睇下隻碗咪係呢雙囉，有個 lup 位比你擺匙 (跟)，你話幾照顧周到呢。

19號又去飲，今個月真係大出血。對新人請左制作公司搞呢個wedding，收得人錢真係唔同d，好多野都好smooth 咁進行，專業 MC 就真係專業MC，冇花冇假。但間酒店就唔掙氣喇，將張菜譜既日子印錯左，真係抵打啦。

近排聽左一首歌係周杰倫同費玉清合唱既"千里之外", 首歌都ok 好聽啦，除此之外就係認識到咩叫做聲底靚喇，我聽左之後就真係覺得費玉清唱歌果把聲就真係叫做聲底靚喇，學周杰倫話齋，佢真係唱出左中國風既韻味。

樓上都唔知攪乜, 未入伙個地台去水位塞左, 攪到要係我屋企果層到搭棚先可以係樓上整個地渠, 果日就比管理處玩左成大半日, 初時話一個上午攪掂。點知佢地係要分開三PART, 首先搭棚師傅來整個棚先, 話咁快師傅就攪掂, 但當中包含既技術與藝術, 小第就極之欽佩喇。跟住就再等D 水喉師傅來整野, 攪到間屋既廚房同bathroom鬼咁多塵, 又要幫佢執手尾, 攪掂又要等搭棚師傅來拆棚。成個過程由早上10點半至下午3點半完成。開頭條友話1,2 個鐘攪掂, 條友真係嗡得就嗡, 我就真係想攪掂佢喇。^_^

對於VCD (DVD都係呀), 小第係戒買唔戒睇既, 所以發現BB有一套韓國電影既VCD, 緊係問佢借來睇睇啦, 睇完都覺得OK 呀, 女主角做得唔錯喎, 睇完再睇番隻VCD 後面, 原來女主角拿了幾個獎, 睇來我都有D天份做下電影評審喎, 哈哈。^_^

14號晚去左飲, 個台就比轆柱遮住左, 乜都睇唔到, 唔知發生咩事, 成晚都係坐係度多, 間酒家成日都經過, 但就未入過去, 如果唔係去飲, 我諗都冇咩機會去食野。個晚我飲左幾啖紅酒, 聞落真係好鬼香喎, 但我飲落好似冇來味道咁, 有位仁兄飲我地檯枝紅酒時話有d 酸既, 另外一位仁兄就話枝紅酒開左唔夠半個鐘, 未完全入氣, 所以有酸味, 道理何在我就唔知喇, 聽左就算架啦, 哈哈。19號仲有一單呀, 遲d 去捐血, 真係人又出血, 荷包又出血, 不過登人開心冇問題啦啦!^_^

好野, 我又中六合彩, 不過又係$20, 頭獎呀頭獎, 我會繼續好有耐性咁等你跳入我的懷抱裡。

你話有冇女仔鐘意高達架呢? 其他就唔知, 我識一個女仔佢就鐘意呢隻喇, 佢就係bb 啦, 之前見到冇買到, 昨天同佢係旺角行左成個下 都搵唔到一間有喎, 問過d 專家, 呢隻咁舊既款係旺角好難會搵到, 到最後都係無巧而還, 好彫之前睇左邊到有得買, 所以今日又同bb去番荃灣一間好普通既文具玩具店用$169買左佢喇, 之後去左葵涌廣場, 睇到一間買$218呀, 係度買就比佢搵笨喇。bb果然精明。
昨天行過信和有一間專買lego 既店舖, 好多都好鐘意, 而最另我睇完再睇, 行開左又返來睇既就係呢隻lego no.8421既吊車喇, 真係好想擁有佢, 可惜太貴了, 要$1699, 搵下有冇第二d 途徑可以平d 架先。

有晚返工, 咁o岩係公司其中四個老友同我都編埋一齊做中航, 呢個機會係好難得的, 所以一定要影低佢作個紀念, 可一不可在呀。

好野，我住條(村)遲d又多間知名舖頭喇，佢就係日本城喇，以後唔駛出到太圍先可以買佢既野喇，又方便多d了。

果日返到屋企樓下，見到個夕陽喎，果時仲係好光，冇乜斜陽feel，不過正所謂夕陽無限好，唔影好老土，咁o岩部dc係身，緊係要影番幾張啦，呢到係其中一張呢。

代 　 數

--------------------------------------------------------------------------------

蔡 醫 生 的 兒 子 正 在 學 代 數 ， 他 以 電 郵 傳 來 兩 題 算 式 ， 現 和 大 家 分 享 。
第 一 式 ：
人 = 吃 飯 + 睡 覺 + 工 作 + 玩
豬 = 吃 飯 + 睡 覺
人 = 豬 + 工 作 + 玩
人 - 玩 = 豬 + 工 作
結 論 ： 不 會 玩 的 人 ， 等 於 一 隻 會 工 作 的 豬 。
x x x
第 二 式 ：
男 人 = 吃 飯 + 睡 覺 + 賺 錢
女 人 = 吃 飯 + 睡 覺 + 花 錢
男 人 + 女 人 = 吃 飯 + 睡 覺 + 賺 錢 + 吃 飯 + 睡 覺 + 花 錢
因 為 ： 賺 錢 + 花 錢 = 0
所 以 ： 男 人 + 女 人 = （ 吃 飯 + 睡 覺 ） + （ 吃 飯 + 睡 覺 ）
根 據 上 面 第 一 式 ： 豬 = 吃 飯 + 睡 覺
結 論 ： 男 人 + 女 人 = 兩 隻 豬
x x x
中 秋 佳 節 ， 祝 世 上 所 有 豬 快 樂 ！

區樂民
appledoctors@hotmail.com (蘋果日報)

昨日是中秋節，本來要返工的，但有個同事同我調左假，中秋節可以放假，但咁樣我星期日朝早會好辛苦。

但唔緊要啦，開心左先算啦，下午同bb出去配眼鏡，一路行一路睇，整左個荃灣下午 ，終於係眼鏡夢工場睇o岩款式，$280一副，跟住再送多副平光鏡或太陽太鏡，咁o岩我又想換太陽眼鏡喎，bb咪當送比我囉，真係多謝晒喇。

個月亮係係晚上7點多既荃灣上空出現的，咁睇好似好細，其實都唔細架，就好似我年紀咁囉，哈哈。

10月3日同bb去左睇bb想睇既bb計劃，我不嬲對成龍d 戲麻麻，佢太假仁假義了(佢又真係好搏既，不過質地唔好呢)。 講番套戲先，比我所期望既好喎，$36蚊張飛有兩個多鍾都ok 既(唔會覺得悶啦起碼)。

咁我既bb計劃又係會點呀??? 天曉得了。

晚飯就係牛頭角村入面d 飯店搞掂，舊屋村風味，遲d 會冇晒。

p.s.哥仔著既水鞋著得好形呀 ^^

朋友送既變形金剛終於都得閒將佢變身喇，將佢變身都花唔少時間，真係佩服設計者既心思，a呀，我唔記得左佢叫咩名添。都係果句啦，真係多謝晒呀，高生。