四月十四號同同事亮哥一齊踩單車去為士多啤梨園探路，仲有舊同事大梁兄ja 架 nsx 出來為我地帶路，另我知道原來鶴藪d 環境都幾多架喎，果度有個燒烤區，有兩個士多啤梨園，仲有個香薰園添，都值得大家去下!

公司部私家車仔擺得左好耐都唔開得，原來d parts 係香港無，要係外國訂，副引擎爆晒左就係咁架喇，對我來講係好少會見到的。

香港d 老貂無咩人重視，久唔久就見到有架鎖街，有日搭巴士見到有架鎖左係顯田公園出面，之後我就貼張紙仔話有意收購，個阿叔開天殺價要收我$2000先買，我都費事同佢浪費時間，原全唔o岩傾，睇來我同呢架車係無緣份了!

四月七號同左個朋友去睇草蜢演唱會，四百蚊飛呀，咁大個仔第一次睇咁貴呀，雖然我覺得幾貴架，不過睇完之後我又無覺得唔抵喎!

呢架單車鎖左係我屋企樓下，睇個款係長擺唔用，條鎖鏈好幼，真係想剪鬼左佢，咁我當然無咁做啦，唔值得，對我最有興趣既係後輪個內變速，擺係度又唔用，浪費呀，比我用下啦!

呢到係邊到呀，好似係海南島喎。唔係呀? 原本係沙田公園!

賤物鬥窮人，呢間係禾輋既”抵記”每樣野都係$7.8，仲要係好鬼多種貨品，包你一定忍唔住，點都要買番一兩件。

我地既好同事人山兄真係慷慨，特登買d士多啤梨請大家食。個個都好鬼大，幾乎有手掌咁大，大得來又唔會唔甜喎，開心死！

呢排中左貂毒，想搵多一部斜桿內三速兼有小轆既貂，有日搭巴士經過居然比我睇到有架鎖左係顯田公園出面，於是我第日踩車去睇下，仲係度，我居然貼左張紙仔問下車主有無意思放售! 但貼左兩日都無回音，無所謂啦，係你就係你既! 我得閒去睇下仲係唔係度先!無左張紙仔就再貼過!