買 書 做 善 事 2006年06月10日
星 期 四 到 鏞 記 食 午 飯 ， 即 將 臨 盆 青 姐 赫 然 在 座 ， 大 編 輯 笑 佢 ： 「 飛 機 生 仔 ， 個 仔 可 以 一 生 坐 飛 機 免 費 ， 鏞 記 生 仔 ， 可 能 一 生 食 免 費 燒 鵝 ！ 」 左 丁 山 話 ： 「 咪 住 ， 要 問 過 甘 老 闆 先 ！ 」 青 姐 已 經 計 好 數 ， 周 末 後 到 醫 院 做 人 工 分 娩 。 係 唔 係 連 時 辰 都 計 埋 ， 夾 準 八 字 呢 ？ 青 姐 話 ： 「 呢 樣 唔 識 計 ， 只 係 將 就 時 間 方 便 ， 日 可 能 係 好 日 ， 成 個 上 午 ， 手 術 房 都 俾 產 婦 book 晒 ， 根 本 冇 乜 時 間 可 以 挑 選 。 」 旁 邊 曹 sir 話 ： 「 就 算 係 搵 算 命 先 生 計 到 準 ， 都 未 必 一 定 可 以 按 照 原 來 計 劃 產 子 ， 有 天 意 註 定 ， 人 未 必 勝 天 。 」 佢 講 得 有 道 理 。 曾 經 聽 過 ， 某 位 名 人 中 年 得 子 ， 一 早 搵 定 醫 生 ， 搵 人 計 好 最 佳 日 、 時 （ 年 與 月 係 已 知 條 件 ） ， 保 證 嬰 兒 出 生 年 月 日 時 八 字 一 流 ， 點 知 到 預 定 良 辰 吉 日 ， 產 房 內 上 一 位 產 婦 人 工 分 娩 出 小 小 技 術 問 題 ， 醫 生 出 盡 辦 法 補 救 ， 於 是 手 術 房 唔 用 得 ， 一 拖 之 下 ， 兩 個 鐘 頭 過 ─ ─ 即 係 一 個 時 辰 之 後 ， 名 人 太 太 先 至 可 以 入 到 產 房 ， 嬰 兒 出 世 時 辰 八 字 即 刻 改 變 。計 到 盡 都 冇 計 ， 算 了 吧 ， 後 天 行 善 積 德 重 好 。 曹 sir 經 常 做 善 事 ， 近 年 支 持 一 個 北 京 「 貧 家 女 基 金 」 ， 專 門 幫 助 農 村 女 孩 上 學 ， 曹 sir 將 歷 年 《 投 資 者 日 記 》 編 輯 成 書 ， 已 由 天 地 圖 書 出 版 兩 本 ─ ─ 《 風 險 與 機 會 》 、 《 時 機 與 抉 擇 》 ， 賣 得 幾 好 ， 賣 書 收 入 捐 晒 畀 「 貧 家 女 基 金 」 。 據 曹 sir 講 ， 每 本 書 分 別 籌 得 二 十 萬 元 ， 可 以 幫 助 二 百 位 貧 家 女 上 學 。 第 三 本 又 出 版 ， 叫 做 《 趨 勢 與 波 動 》 ， 非 常 應 景 ， 自 五 月 八 日 後 ， 世 界 股 市 好 波 動 ， 香 港 生 指 數 跌 千 五 、 千 六 點 ， 將 來 有 乜 趨 勢 呢 ？ 曹 sir 呢 本 書 正 好 畀 大 家 參 考 ， 買 書 兼 做 善 事 ， 何 樂 而 不 為 。 講 到 咁 上 下 ， 傾 起 李 察 公 子 買 報 紙 一 事 ， 順 便 向 曹 sir 一 問 ， 佢 答 話 ： 「 未 解 決 、 未 解 決 ， 呢 件 事 只 應 由 老 闆 作 答 ， 我 冇 講 。 」 市 場 對 此 事 傳 聞 甚 多 ， 又 話 神 童 輝 在 林 太 陪 同 之 下 ， 參 觀 報 館 。 據 講 參 觀 係 在 早 上 ， 編 輯 、 記 者 都 未 返 工 ， 所 以 冇 乜 人 知 喎 。
左丁山mcwriter@appledaily.com (蘋果日報)