30號去左睇套話劇，個名叫廁客浮士德，睇個名已經好有深度。睇完之後，不得不承認自己是一個膚淺既人了。我睇之前睇了少少場刊，大概知道個主旨講乜，唉，但睇完之後有d 失望囉，可能佢太有深度，我d 膚淺人睇唔明白，我仲搵左幾次周公。隔離個pair未完場就走鬼左，話浪費左佢地d 時間，我又唔係咁諗既，睇唔明佢講乜唯有睇下d演員專業既演出啦，話晒都有詹瑞文係度嘛。不過$120一張飛(已經係最平果隻)就真係唔抵睇了，去睇番3套睇都唔知幾過癮。我之前睇過d 話劇有d 好鬼好睇，就算幾百蚊飛都覺得物有所值啦。今次就賴左野添(雖然唔係我錢)，不過好彩有你一齊陪我贂，一齊睇到烏下烏下，哈哈。(註: 我上次係葵青劇院睇個套"少年唯特的煩惱"就真係睇到我都煩惱，睇到我一頭煙，今次又係係葵青劇院睇，睇來葵青劇院都唔係幾利我喇。仲有睇完仲趺埋個銀包，好彩最有都有驚無險返轉頭搵得番，睇來都唔係為100%唔利我既，真係好彩好彩了。)