20號放假諗住係屋企灘屍，點知有同事搵去打邊爐，本來唔想去的，但應承左就要去。 我地去左位於深水PO 既有骨氣火鍋，同事話做緊優惠$88任食，12月就冇架喇。

去到我先知道有個同事識得個朋友係廚房做既，真係朝中有人好辨事，個同事個老友係咁隊D 好野我地食，有靚靚豬骨，3A級肥牛(好多，食到想嘔咁濟)，大大隻花蟹，一條海上鮮，仲有其他好野不能盡錄。

最後埋單每人$150，以食左咁多好野計，超值到爆炸。食得好滿足，好彩有去躇，唔去就走寶了。