做左新工,終於都發生第一次食死貓事件。話說有一朝和同事甲去接飛機(但送走飛機時是和同事乙,同事丙做的,同事甲唔駛再出來),因為呢隻飛機要留係度三個鐘先走,所以接左飛機後冇咩搞就入番公司,咁我就問乜唔駛搵人睇住架飛機架!同事甲就話唔駛架喇,到開機前一個半鐘出返去就得啦於是就齊齊入番去喇。好喇,差唔多時間要出去的時候,有電話打入來人話要人睇住架飛機,咁於是同事乙和我一起出去啦,出到去見到工程師係度,佢就話點解冇人睇住架飛機?飛機有咩事搵邊個?同事乙當然唔知咩事啦,工程師就緊係話我架啦,咁我就緊係認死狗啦,心諗關我差事咩,唉,食下死貓當補身囉。(呢段野就係等開機時用電話寫的)