我在廣州的時候搭巴士，見到巴士司機著住短褲，踢住對涼鞋，幾咁逍遙自在 !不過企業形象就蕩然無存了。

7月10日， 因為那晚要返通霄，所以在黃昏的時候我小睡一會。當我迷迷糊糊的時候，我的手提突然響起，原來是在廣州的大家姐打過來，語氣非常凝重地告訴我 : [你要冷靜 d，聽左之後唔好大叫，有唔好既野發生左。] 我當時就想起會唔會老豆有事，因為佢係廣州住緊。跟住我家姐就話 :[阿姨走左了，走得好突然，係心肌梗塞.......]，跟住我家姐係咁喊了，佢當時就係係醫院，阿姨仲訓係張床到。跟住話我知唔好講比阿媽知住，因為驚佢受唔住，上年我舅父走了，跟住又到阿姨，仲要咁突然。家姐話最好帶左佢返廣州先好比佢知，我當時個心都實晒，一片空白，好迷茫，好失落，又好擔心阿媽知道後唔知會點。咁o岩我返完夜第2 日放假，家姐話點都要帶上佢返廣州。


果晚返工當然冇晒心情啦，成日諗點樣 tum 阿媽返廣州，同家組相量完就話照顧老豆好辛苦 (因為老豆依家係冇牙人仕，拔了d 牙等埋口再鑲假牙，所以餐餐要粥，即係成日要同佢煲粥喇)，阿媽知道後當然嘈啦，原本諗住8月頭睇埋醫生，拿埋d 血壓藥先返廣州架嘛，依家無啦啦要第日返，仲埋怨老豆有冇搞錯，自己都可以煲粥架躇，下下要個女幫佢煲。今舖真係擺左老豆上檯了(好彩佢都肯願意返，如果佢係都唔肯的話，咁就要比佢知道真相先得了)。


講番我阿姨，佢果日下午1點幾話個心口唔舒服，叫左姨丈同個大孫陪佢去睇醫生，其實之前果日都有話痛，不過佢就好忙見頂得住就由得佢喇。佢點解會咁忙呢? 就係因為要揍個細孫喇，我阿姨係一個非常盡責的人來，為了另細仔安心搵食，照顧到個孫無微不至，唔單至咁，佢亦都好關心身邊所有人，不過佢就只照顧他人，卻忽略了自己，可能唔想另屋企人擔心啦，平時有d 唔妥都唔講出來。個細孫未出細之前，我家姐成日同我阿姨唔係飲茶吹水，就係行山去公園，直頭係半個阿媽咁，所以我大家姐係非常非常之咁傷心。係醫院既詳細情況我就唔多講了，總之下午入院，黃昏6點幾就走左了，走時個樣都好安詳，好似訓左覺咁，我諗佢都估唔到自己咁快去報到，可能上面有更加好既野啦。阿姨，你都走得好爽快躇。

7月11晚終於同阿媽一齊返到廣州，我地決定第2朝先講佢知，免得佢果晚無覺好訓。到第二朝等佢食完早餐，再叫佢食d 血壓藥先，我就捉住佢隻手同佢講 :[其實今次返來係有唔好既事發生左，你聽左之後要頂住呀，阿姨佢走左喇.......................................]，阿媽就話: [唔係掛.....唔係掛..... 咁快就走左..........]，跟住就喊了...............跟住就腳軟(佢話的).................(好彩當時係坐係到)，阿媽比我想像中堅強，個多小時後佢就平伏了............................................

7月15日是阿姨出殯的日子，出席的親友很多很多，正常呀，我阿姨咁好人，幾多人唔捨得佢走呢，當表哥跪地叫阿姨的時候 :[阿媽.............]。那種聲調真是.........真是.......道出了" 樹欲靜而風不息，子欲養而親不在的悲痛呀。聞者傷心，聽者流淚。

:( .................................我以後都食唔到阿姨煮既好野了，阿姨係我心目中既no.1 大廚呢。

後記:

1. 我表弟同我講以前阿姨哦多佢幾次就會話佢咪咁煩啦...............佢話依家零願比佢哦千千萬萬次都唔會咁話番佢去換取今次既事唔好發生....................可惜......已經冇得返轉頭了............

2.我阿媽返到廣州時未知我阿姨既事，家姐問佢有冇掛住阿姨呀? 佢話掛咩呀，遲d 先搵佢啦，成日奏孫唔得閒，忙到死。 我同家姐對望一眼，阿姨真係"忙到死"呀。 唉....跟住我家姐想來料喇...............

3.自從搬左新屋後，阿姨話好想來香港睇一睇間新公屋，不過要揍孫，遲遲都唔成事，終於原本諗住8月份大表嫂會同佢同埋個大孫一齊來的，連自由行個證都申請了。 點知就..............唉...........

七月九號問朋友借左部車，車左我二家姐一家人去左濕地公園行下，沿著元朗公路一路睇牌指示就會去到架喇，都算係易搵了。

我文采唔好，唔寫得咁多，總之我去左之後係覺得值得o既，果日去係熱d 躇，其他野都幾好，不過d 紀念品就貴左少少喇，去完之後真係心礦神怡左呀，如果你係對動植物有興趣的話，真係會學到好多野，樣樣都要玩要睇的話，一日時間可能唔夠添。

註: 你睇果兩女仕，勁過阿拉伯女郎，0.0001%既皮膚我都睇唔到。