去親未去過既餐廳食飯，如果佢有海南雞飯食，我通常都唔會諗再食乜。因為我鐘意食雞之餘，我都想試下唔同餐廳整既海南雞，我覺得如果果間餐廳整既海南雞飯好食的話，其他野唔會差得去邊。
無幾耐前我同個朋友去左位於旺角既呢間餐廳食飯，試左佢既海南雞飯。嘩!四個字形容，喜出望外，d 雞夠大件，足料，入味兼夾好滑，配菜好齊，d 雞油飯又香，五十蚊抵到爆，食得好開心。

過左一排，係旺角搵野食，諗起呢間野既海南雞飯，於是又去幫襯。點知去到時望到，已經關門大吉，勁失望，好似失去左一個朋友咁。朋友，我會懷念你的海南雞飯!!!