30號去左睇套話劇,個名叫廁客浮士德,睇個名已經好有深度。睇完之後,不得不承認自己是一個膚淺既人了。我睇之前睇了少少場刊,大概知道個主旨講乜,唉,但睇完之後有d 失望囉,可能佢太有深度,我d 膚淺人睇唔明白,我仲搵左幾次周公。隔離個pair未完場就走鬼左,話浪費左佢地d 時間,我又唔係咁諗既,睇唔明佢講乜唯有睇下d演員專業既演出啦,話晒都有詹瑞文係度嘛。不過$120一張飛(已經係最平果隻)就真係唔抵睇了,去睇番3套睇都唔知幾過癮。我之前睇過d 話劇有d 好鬼好睇,就算幾百蚊飛都覺得物有所值啦。今次就賴左野添(雖然唔係我錢),不過好彩有你一齊陪我贂,一齊睇到烏下烏下,哈哈。(註: 我上次係葵青劇院睇個套"少年唯特的煩惱"就真係睇到我都煩惱,睇到我一頭煙,今次又係係葵青劇院睇,睇來葵青劇院都唔係幾利我喇。仲有睇完仲趺埋個銀包,好彩最有都有驚無險返轉頭搵得番,睇來都唔係為100%唔利我既,真係好彩好彩了。)
Monday, October 30, 2006
Friday, October 27, 2006
阿媽, 我都話d 牛肉唔駛炒咁耐架啦, 我炒既芥蘭牛肉係咪好好味呢。仲有呀, 阿媽, 你成日話我唔記得熄燈熄風扇, 我一個人住時點算呀? 阿媽, 你放心啦, 我一個人住時好企理, 好有記性的。你係度時我就零捨鬆懈架喇, 因為我知有你係度, 你會睇得好緊, 我可以放一百個心, 所以咪唔記得囉。
Thursday, October 26, 2006
我今日(26號)大出血呀, 今日試下新地方, 係荃灣既捐血站捐血。下次唔知去邊呢? 唔知你幾時會獻出你既第一次呢, 下次希望可以同你一齊捐啦。點都好, 同你講聲多謝先, 多謝你陪我捐血呀, 雖然你冇捐, 但見到你我就會心血來潮, d 血零捨泵得快, 所以話咁快就捐完, 之前有個男仔話佢8分鐘搞掂, 我5分鐘就得喇, 我出年3月前再捐多次又可以有禮物喇。吉野家我食過幾次, 最開心就緊係今次啦, 因為有你同我食嘛。
唉, 我upload 唔到d 相呀, 算啦, 今次就齋文字啦。今日(26號)我好開心呀, 好耐未試過呢隻feel 喇, 不過呢個只是一個開始, 仲有好長既路要行, 仲係會愈行就愈難行, 唔緊要啦, 難行咪行慢d 囉, 總之係咁行呀, 行呀, 行呀, 終點始終會到既, 到最後都做唔到既話咪做唔到囉, 咪當享受下個過程囉。我冇野心架, 不過我唔會放棄自己。
Friday, October 20, 2006
近排聽左一首歌係周杰倫同費玉清合唱既"千里之外", 首歌都ok 好聽啦,除此之外就係認識到咩叫做聲底靚喇,我聽左之後就真係覺得費玉清唱歌果把聲就真係叫做聲底靚喇,學周杰倫話齋,佢真係唱出左中國風既韻味。
Monday, October 16, 2006
Sunday, October 15, 2006
Friday, October 13, 2006
![](http://photos1.blogger.com/blogger/2038/2452/320/8421b.1.jpg)
![](http://photos1.blogger.com/blogger/2038/2452/320/RX78_2.jpg)
你話有冇女仔鐘意高達架呢? 其他就唔知, 我識一個女仔佢就鐘意呢隻喇, 佢就係bb 啦, 之前見到冇買到, 昨天同佢係旺角行左成個下 都搵唔到一間有喎, 問過d 專家, 呢隻咁舊既款係旺角好難會搵到, 到最後都係無巧而還, 好彫之前睇左邊到有得買, 所以今日又同bb去番荃灣一間好普通既文具玩具店用$169買左佢喇, 之後去左葵涌廣場, 睇到一間買$218呀, 係度買就比佢搵笨喇。bb果然精明。
昨天行過信和有一間專買lego 既店舖, 好多都好鐘意, 而最另我睇完再睇, 行開左又返來睇既就係呢隻lego no.8421既吊車喇, 真係好想擁有佢, 可惜太貴了, 要$1699, 搵下有冇第二d 途徑可以平d 架先。
Monday, October 09, 2006
Friday, October 06, 2006
代 數
--------------------------------------------------------------------------------
蔡 醫 生 的 兒 子 正 在 學 代 數 , 他 以 電 郵 傳 來 兩 題 算 式 , 現 和 大 家 分 享 。
第 一 式 :
人 = 吃 飯 + 睡 覺 + 工 作 + 玩
豬 = 吃 飯 + 睡 覺
人 = 豬 + 工 作 + 玩
人 - 玩 = 豬 + 工 作
結 論 : 不 會 玩 的 人 , 等 於 一 隻 會 工 作 的 豬 。
x x x
第 二 式 :
男 人 = 吃 飯 + 睡 覺 + 賺 錢
女 人 = 吃 飯 + 睡 覺 + 花 錢
男 人 + 女 人 = 吃 飯 + 睡 覺 + 賺 錢 + 吃 飯 + 睡 覺 + 花 錢
因 為 : 賺 錢 + 花 錢 = 0
所 以 : 男 人 + 女 人 = ( 吃 飯 + 睡 覺 ) + ( 吃 飯 + 睡 覺 )
根 據 上 面 第 一 式 : 豬 = 吃 飯 + 睡 覺
結 論 : 男 人 + 女 人 = 兩 隻 豬
x x x
中 秋 佳 節 , 祝 世 上 所 有 豬 快 樂 !
區樂民
appledoctors@hotmail.com (蘋果日報)